Politika e Privatësisë — ITS Bileta

Përmbledhje e shkurtër

• ITS Bileta është një aplikacion pune për bizneset shqiptare (operatorë transporti, autoritete vendore dhe kombëtare). Nuk është aplikacion për publikun e gjerë dhe nuk është për pasagjerët.
• Përpunojmë të dhënat e llogarisë së stafit tuaj (emër, email, rol, kod operatori fiskal), të dhënat e pajisjes POS (identifikues instalimi, numër serial kur lejohet nga sistemi operativ), vendndodhjen GPS vetëm gjatë turnit aktiv, dhe të dhënat e biletave/shitjeve që janë dokumente fiskale të operatorit.
• Nuk mbledhim kontakte, SMS, telefonata, foto, mikrofon, të dhëna shëndetësore, të dhëna bankare ose të kartave të kreditit. Nuk përdorim reklama dhe nuk shesim të dhëna. Nuk përdorim SDK reklamimi ose analitike të palëve të treta.
• Të dhënat ruhen në servera të kontraktuar brenda Bashkimit Evropian (Francë dhe Gjermani).
• Ti si person ke të drejtë të kërkosh qasje, korrigjim, fshirje, kufizim, kundërshtim dhe bartje të të dhënave. Shkruaj në privacy@its.al.

1. Kush është kontrolluesi

Kontrolluesi i të dhënave personale (subjekti që përcakton qëllimet dhe mjetet e përpunimit) është:

• Subjekti: ITS SYSTEMS
• NIPT: M62905204D
• Adresa: Bulevardi Aqif Pasha, Elbasan, Shqipëri
• Email për privatësinë: privacy@its.al
• Telefon: 0686412170
• Faqja: https://its.al

Ky përpunim bëhet në përputhje me ligjin nr. 124/2024 “Për mbrojtjen e të dhënave personale”, me aktet nënligjore të tij dhe me legjislacionin shqiptar në fuqi.

Nuk synojmë përdorim jashtë Shqipërisë. Shërbimi, teksti, faturimi, mbështetja dhe konfigurimi janë të ndërtuara për tregun shqiptar dhe për legjislacionin shqiptar (fiskalizim, transport rrugor, regjistra publikë shqiptarë).

2. Për kë është aplikacioni

ITS Bileta përdoret vetëm nga:

• konduktorë dhe staf operacional të operatorëve të transportit;
• menaxherë/pronarë operatori që konfigurojnë pajisjet dhe stafin;
• administratorë të autoriteteve (bashki, autoritet kombëtar) që menaxhojnë rrjetin dhe tarifat.

Aplikacioni:

• nuk është i destinuar për konsumatorë, pasagjerë ose fëmijë;
• nuk duhet të përdoret nga persona nën 18 vjeç;
• kërkon një llogari pune të krijuar nga operatori ose nga administratori i platformës.

3. Roli ynë: kontrollues ose përpunues

Në varësi të të dhënave, roli ynë ligjor është i ndryshëm. Kjo është e rëndësishme, sepse përcakton kujt duhet t’i drejtohesh për të drejtat e tua.

Kur veprojmë si përpunues:

• përpunojmë të dhënat vetëm sipas udhëzimeve të dokumentuara të operatorit/autoritetit dhe për qëllimet e kontratës;
• zbatojmë masat e sigurisë dhe njoftojmë kontrolluesin pa vonesë në rast incidenti;
• ndihmojmë kontrolluesin për përgjigjen ndaj kërkesave të personave (qasje, fshirje, korrigjim);
• nuk i përdorim të dhënat për qëllime të tjera, nuk i shesim dhe nuk i transferojmë pa autorizim.

Në praktikë: nëse je konduktor i një operatori dhe do të ushtrosh një të drejtë mbi biletat, turnet ose vendndodhjen e turnit, kërkesën duhet t’ia drejtosh fillimisht punëdhënësit/operatorit (kontrolluesi). Ne do ta ndihmojmë operatorin ta përmbushë atë. Për llogarinë tënde të platformës dhe për çështjet e sigurisë, mund të shkruash drejtpërdrejt tek ne.

4. Çfarë të dhënash përpunojmë, pse dhe sa kohë

4.1 Llogaria dhe identiteti i stafit

4.2 Pajisja POS dhe lidhja e saj

Nuk lexojmë listën e kontakteve, mesazhet, regjistrin e telefonatave ose skedarët personalë të pajisjes.

4.3 Vendndodhja gjatë turnit

Kur konduktori hap një turn dhe derisa turni mbyllet, pajisja dërgon periodikisht:

• koordinata GPS (gjerësi/gjatësi), saktësinë e matjes dhe kohën;
• të dhëna që lidhin biletën me stacionin (përputhja e ndalesës), përfshirë konfirmimin manual, kur GPS nuk disponohet.

Qëllimet:

1. të vërtetohet se bileta është shitur në linjën/stacionin e saktë;
2. të raportohet shërbimi real ndaj autoritetit kontraktues (përmbushja e orarit dhe e itinerarit);
3. siguria e stafit dhe e pasagjerëve në rast incidenti.

Kufijtë që zbatojmë:

• gjurmimi funksionon vetëm gjatë një turni aktiv; kur turni mbyllet, shërbimi i vendndodhjes ndalon;
• aplikacioni shfaq një njoftim të dukshëm për përdorimin e vendndodhjes në sfond gjatë turnit;
• nuk gjurmojmë pajisjen jashtë orarit të punës dhe nuk përdorim vendndodhjen për vlerësim automatik të performancës individuale;
• punëdhënësi (operatori) është përgjegjës për informimin e stafit të tij për këtë gjurmim, sipas legjislacionit të punës.

4.4 Biletat, shitjet dhe fiskalizimi

Përpunojmë: numrin e biletës, linjën, drejtimin, stacionin e shitjes, tarifën e aplikuar dhe tarifën e miratuar, shumën, monedhën (ALL), mënyrën e pagesës (cash ose çantë/kartë NFC), kohën e shitjes, operatorin, pajisjen dhe përdoruesin që e ka shitur, si dhe referencat fiskale (IIC/FIC, TCR, njësia e biznesit) që kthen shërbimi i fiskalizimit.

• Nuk ruajmë emrin, dokumentin, telefonin ose të dhëna të tjera identifikuese të pasagjerit. Bileta është e anonime për pasagjerin.
• Biletat janë dokumente fiskale/kontabël të operatorit; për to operatori është kontrolluesi dhe ne përpunues.
• Bazat ligjore: detyrim ligjor (legjislacioni i faturimit dhe i monitorimit të qarkullimit, p.sh. ligji nr. 87/2019 dhe aktet nënligjore të tij) dhe ekzekutimi i kontratës me operatorin.

4.5 Të dhëna teknike, siguri dhe auditim

Ruajmë: adresën IP dhe “user agent”-in e sesioneve, regjistra auditimi (kush ka bërë çfarë dhe kur), ngjarje sigurie dhe teknike, gabime aplikacioni.

Qëllimi: siguria e platformës, zbulimi i abuzimit, diagnostikimi i defekteve, përmbushja e detyrimeve kontabël dhe provuese. Baza ligjore: interesi i ligjshëm dhe detyrimi ligjor.

4.6 Të dhëna biznesi nga regjistrat publikë (QKB) dhe nga autoritetet

Platforma mban të dhëna për subjekte biznesi: NIPT, emrin e subjektit, formën ligjore, adresën, statusin, aktivitetin dhe, kur është e nevojshme, personin përfaqësues/administrator dhe personin e kontaktit.

• Burimi kryesor: Qendra Kombëtare e Biznesit (QKB) dhe regjistra të tjerë publikë zyrtarë shqiptarë; burime të tjera: vetë subjekti, autoriteti kontraktues dhe burimet e importit të rrjetit të transportit (p.sh. eTransport).
• Qëllimi: identifikimi i saktë i klientëve dhe i operatorëve, verifikimi i identitetit ligjor, faturimi, përmbushja e detyrimeve ligjore dhe integriteti i të dhënave të transportit.
• Bazat ligjore: ekzekutimi i kontratës, detyrimi ligjor dhe interesi i ligjshëm për verifikimin e identitetit të klientit.

Rreth të dhënave publike: fakti që një e dhënë është e regjistruar në QKB nuk do të thotë se ajo nuk është e mbrojtur. Kur një e dhënë identifikon një person fizik (p.sh. i vetëpunësuar, administrator, pronar ose person kontakti), ky dokument zbatohet plotësisht. Nuk i mbledhim këto të dhëna përsëri nga ti dhe nuk kërkojmë pëlqim për to, sepse i marrim nga një regjistër publik zyrtar dhe i përdorim për të njëjtat qëllime për të cilat janë publikuar. Çdo person i prekur mund të kundërshtojë përpunimin ose të kërkojë korrigjimin e të dhënave të pasakta (shih §12).

4.7 Biometria dhe NFC

• Biometria (gjurmë gishti / fytyrë): përdoret vetëm për të zhbllokuar hyrjen e ruajtur në pajisje. Nuk e dërgojmë dhe nuk e ruajmë asnjë shabllon biometrik në server; verifikimi bëhet nga sistemi operativ i pajisjes. Kontrollojmë vetëm përgjigjen “sukses/dështim”.
• NFC: përdoret për leximin e kartave të stafit dhe, kur aktivizohet, për çantën/kartën e udhëtarit. Ruhet identifikuesi i kartës (UID) dhe, për çantën, balanca dhe historiku i ngarkimeve. Kjo është e dhënë pseudonime: nuk lidhet me emrin e pasagjerit, përveç kur operatori e lidh vetë.

5. Çfarë nuk mbledhim dhe nuk bëjmë

• Nuk mbledhim kontakte, SMS, regjistër telefonatash, mikrofon, foto/kamera, skedarë personalë, të dhëna shëndetësore, të dhëna fetare, politike ose orientim seksual.
• Nuk ruajmë të dhëna kartash bankare dhe nuk përpunojmë pagesa me kartë krediti.
• Nuk shfaqim reklama dhe nuk përdorim reklamim të synuar.
• Nuk shesim dhe nuk japim me qira të dhëna personale.
• Nuk përdorim SDK analitike ose reklamimi të palëve të treta (pa Firebase Analytics, pa rrjet reklamash, pa gjurmues sjelljeje).
• Nuk i përdorim të dhënat për vendime automatike me efekte ligjore mbi personin.
• Nuk e përdorim aplikacionin për qëllime konsumatore ose për fëmijë.

6. Lejet e Android dhe pse i kërkojmë

Aplikacioni nuk kërkon leje për kamerë, kontakte, SMS, mikrofon, vendndodhje në sfond pa turn aktiv, ose qasje në të gjithë skedarët.

7. Me kë i ndajmë të dhënat

Të dhënat ndahen vetëm aq sa është e nevojshme:

Nuk shesim të dhëna personale dhe nuk i japim për reklamim.

Lista e përditësuar e nënpunuesve mund të kërkohet në privacy@its.al.

8. Transferimet jashtë Shqipërisë

Serverat e platformës ndodhen brenda Bashkimit Evropian (Francë), dhe shërbimi i fiskalizimit operon në servera brenda Bashkimit Evropian (Gjermani). Këto janë vende me nivel mbrojtjeje adekuat sipas legjislacionit shqiptar.

Nëse në të ardhmen përdorim një nënpunues jashtë BE/SEE, transferimi do të bëhet vetëm me garanci kontraktuale të përshtatshme (klauzola standarde kontraktuale ose vendim adekuate) dhe ky dokument do të përditësohet.

9. Sa kohë i ruajmë të dhënat

Kur periudha mbaron, të dhënat fshihen ose anonimizohen në mënyrë të pakthyeshme. Të dhënat agregate statistikore (pa identifikim personal) mund të ruhen më gjatë.

10. Siguria

Zbatojmë masa teknike dhe organizative, ndër të cilat:

• komunikim i detyruar HTTPS/TLS me serverin; pa trafik të pambrojtur në internet;
• fjalëkalime të ruajtura vetëm si hash (Argon2id), kurrë në tekst të qartë;
• ruajtje lokale e kredencialeve dhe e konfigurimit në memorie të enkriptuar në pajisje (AES-256);
• izolim i plotë midis operatorëve: një operator nuk shikon të dhënat e një operatori tjetër;
• lidhje pajisjeje me leje me afat dhe verifikim identiteti fiskal përpara përdorimit;
• akses me role (konduktor, menaxher, administrator) dhe regjistrim auditimi i veprimeve;
• backup i rregullt i bazës së të dhënave dhe rikthim i provuar;
• ndalim i kopjimit automatik të të dhënave të aplikacionit në cloud (allowBackup=false);
• rishikim i vazhdueshëm i aksesit dhe i mosfunksionimeve.

Në rast shkeljeje të sigurisë së të dhënave personale që paraqet rrezik, njoftojmë Komisionerin brenda afateve ligjore dhe informojmë personat e prekur dhe/ose kontrolluesin kur kjo kërkohet.

11. Të drejtat e tua

Sipas ligjit nr. 124/2024, ke të drejtë:

1. Informimi — të dish çfarë përpunojmë dhe pse (ky dokument).
2. Qasje — të marrësh kopje të të dhënave që të përkasin.
3. Korrigjim — të rregullosh të dhëna të pasakta ose të plotësosh të dhëna të mangëta.
4. Fshirje (“e drejta për t’u harruar”) — kur nuk ka më bazë ligjore për përpunimin.
5. Kufizim i përpunimit.
6. Kundërshtim ndaj përpunimit të bazuar në interes të ligjshëm.
7. Bartje e të dhënave që ke dhënë, në format të lexueshëm.
8. Tërheqje e pëlqimit në çdo kohë, kur përpunimi bazohet në pëlqim (nuk ndikon në ligjshmërinë e përpunimit të mëparshëm).
9. Ankesë pranë Komisionerit për të Drejtën e Informimit dhe Mbrojtjen e Të Dhënave Personale — https://idp.al

Si i ushtron: shkruaj në privacy@its.al nga emaili i llogarisë ose me një kërkesë të nënshkruar, duke përshkruar të drejtën që kërkon. Përgjigjemi brenda 30 ditëve (afati ligjor), dhe të njoftojmë nëse kërkesa kërkon më shumë kohë ose nëse duhet të verifikojmë identitetin.

Kufizime: nuk mund të fshijmë të dhëna që ligji na detyron t’i mbajmë (p.sh. dokumentet fiskale) ose që duhen për të vërtetuar, ushtruar ose mbrojtur të drejta ligjore. Në këto raste kufizojmë përpunimin dhe e ruajmë vetëm për atë qëllim.

Për të dhënat për të cilat operatori është kontrollues, kërkesën ia drejtojmë operatorit dhe e mbështesim atë në përgjigje.

12. Fshirja e llogarisë dhe e të dhënave

• Llogaritë krijohen dhe administrohen nga operatori ose nga administratori i platformës. Konduktori/manageri duhet t’i kërkojë operatorit çaktivizimin ose fshirjen e llogarisë.
• Për llogari të krijuara për klientët e platformës, kërkesa mund të dërgohet në privacy@its.al ose përmes faqes https://itsalbania.com/account-deletion.
• Pas verifikimit të identitetit dhe autorizimit, llogaria çaktivizohet dhe të dhënat personale fshihen ose anonimizohen brenda 30 ditëve, me përjashtim të:
  • dokumenteve fiskale/kontabël (afati ligjor i ruajtjes);
  • regjistrave të auditimit dhe provave të nevojshme për siguri ose mosmarrëveshje;
  • të dhënave që ligji kërkon t’i ruajmë më gjatë.
• Fshirja e llogarisë nuk fshin dokumentet fiskale të operatorit, sepse ato janë të detyrueshme me ligj.

13. Punëmarrësit dhe monitorimi gjatë turnit

ITS Bileta kryen një formë të kufizuar monitorimi operacional gjatë turnit: pozicioni i pajisjes, ora e veprimeve, biletat e shitura dhe pajisja e përdorur.

• Monitorimi është i kufizuar në kohë (turni aktiv) dhe në qëllim (atribuimi i biletës ndaj linjës/stacionit, përmbushja e shërbimit, siguria).
• Punëdhënësi (operatori) është kontrolluesi për këto të dhëna dhe ka detyrimin të informojë stafin e vet dhe, sipas rastit, të konsultohet me përfaqësuesit e punëmarrësve, në përputhje me legjislacionin e punës.
• Ne nuk i përdorim këto të dhëna për vlerësim automatik të performancës individuale dhe nuk i përdorim jashtë marrëdhënies së punës.

14. Vendime të automatizuara dhe profilizim

Nuk marrim vendime me efekte ligjore ose të ngjashme mbi personin bazuar vetëm në përpunim automatik. Të dhënat përdoren për funksione operative (atribuimi i ndalesës, validimi i fare, raportimi i shërbimit), jo për profilizim tregtar.

15. Fëmijët

Aplikacioni është një mjet pune për të rritur dhe nuk synon persona nën 18 vjeç. Nuk mbledhim me vetëdije të dhëna për fëmijë. Nëse zbulojmë një llogari të tillë, e çaktivizojmë.

16. Ndryshimet e kësaj politike

Mund ta përditësojmë këtë politikë për shkak të ndryshimeve ligjore, teknike ose funksionale.

• Versioni i vlefshëm publikohet gjithmonë në https://itsalbania.com/privacy-policy.
• Për ndryshime thelbësore njoftojmë përdoruesit brenda aplikacionit ose me email, para hyrjes në fuqi.
• Ruajmë versionet e mëparshme dhe datën e hyrjes në fuqi.

17. Kontakt dhe ankesat

• Privatësia dhe të drejtat: privacy@its.al
• Telefon: 0686412170
• Posta: Bulevardi Aqif Pasha, Elbasan, Shqipëri
• Kontakt për mbrojtjen e të dhënave: privacy@its.al

Nëse mendon se të drejtat e tua janë shkelur, mund të ankohesh:

Komisioneri për të Drejtën e Informimit dhe Mbrojtjen e Të Dhënave Personale
Faqja zyrtare: https://idp.al (kontaktet dhe adresa zyrtare sipas faqes)

Shtojcë — Versionsi i dokumentit